Premyer Liqanın 31-ci turu çərçivəsində ötən gün keçirilən "Şamaxı" – "Kəpəz" oyunundan (2:1) sonra meydan sahiblərinin qələbəsində pay sahibi olan fransalı mərkəz yarımmüdafiəçisi Brahim Konate Pressing.az-ın əməkdaşının suallarını cavablandırıb.

– İlk olaraq matçla bağlı fikirlərini bölüşərdin...

– Çətin oyun oldu. "Kəpəz" çox yaxşı komandadır. Qələbə qazanmaq üçün əlimizdən gələni etdik və buna nail olduq. Azarkeşlərimizə də möhtəşəm dəstək üçün minnətdaram.

– Komandanın qələbə qolunun müəllifi oldun. Təəssüratların maraqlıdır...

– Bacardığım qədər komandama kömək etməyə çalışıram. Bu gün qol vurdum və bu, qalibiyyət üçün çox önəmli oldu. Buna görə xoşbəxtəm.

– Növbəti turda "Turan Tovuz" səfərinə yollanacaqsız. Bu oyundan gözləntin nədir?

– Tovuza nə vaxt səfər ediriksə, deməli, bu, bizim üçün çox çətin sınaq deməkdir (gülür). Hər oyuna xal qazanmaq üçün çıxırıq. Futbolda hər şey mümkündür. Necə olacağını oyun günü görəcəyik.

Daşqın Əziz