Azər Salahlı: "Biz beynimizdə artıq bu 3 xalı qazanmışıq" – AÇIQLAMA
"İmişli"nin kapitanı Azər Salahlı Premyer Liqanın 5-ci turu çərçivəsində ötən gün səfərdə "Karvan-Yevlax"a qalib gəldikləri oyundan (3:0) sonra Pressing.az-ın suallarını cavablandırıb.
- İlk olaraq oyunla bağlı fikirlərini bölüşərdin.
- Matçın çətin keçəcəyini bilirdik. "Karvan-Yevlax" son oyunlarda məğlubiyyətlə üzləşmişdi, buna görə bizə qarşı aqressiv çıxış edəcəklərini bilirdik. Bu bizim üçün 6 xallıq oyun idi. 3:0 hesablı qələbə kənardan rahat qazanılmış kimi görünsə də, belə deyil. Bu qalibiyyəti çətinliklə əldə etdik. Buna görə xoşbəxtik və çalışacağıq ki, qarşıdakı matçlarda da azarkeşlərimizi sevindirək.
- AFFA İntizam Komitəsinin qərarıyla ötən tur baş verən hadisəyə görə "İmişli"yə texniki məğlubiyyət verildi. Bundan sonra psixoloji cəhətdən oyuna köklənmək çətin olmadı ki?
- Komanda yoldaşlarımla öz aramızda söhbət etdik ki, biz beynimizdə artıq bu 3 xalı qazanmışıq. Özümüzü buna inandırdıq. Əsas olan beynimizdəki turnir cədvəlidir. Hazırda neçənci yerdə olduğumuza baxmırıq, əsas odur ki, haqqımız olan qələbəni qazanmışıq. Bu da bizə "Karvan-Yevlax"la oyuna psixoloji cəhətdən hazır olmağa kömək etdi.
- Debütant komanda olaraq Premyer Liqada ardıcıl 3 qələbə qazanmaq necə hissdir? Bunu gözləyirdiz?
- Çox çətin təlim-məşq toplanışı keçmişdik. Bugünkü qələbələrimiz də ağır zəhmətimizin nəticəsidir. Oyundan-oyuna daha da artırmağa çalışacağıq. Bu uğurlu seriyanın davamını gətirmək istəyirik.
- Növbəti tur "Zirə"ni qəbul edəcəksiz. Bu oyundan gözləntin nədir?
- "Zirə" çempionatımızın ən güclü komandalarından biridir. Həftəbəhəftə, intensiv olaraq oyunlara hazırlaşırıq. Komanda yoldaşlarımın xarakteri var. Əsas olan da budur. Zənnimcə, bu xarakterlə yaxşı nəticələr əldə edə bilərik.
Daşqın Əziz
- İlk olaraq oyunla bağlı fikirlərini bölüşərdin.
- Matçın çətin keçəcəyini bilirdik. "Karvan-Yevlax" son oyunlarda məğlubiyyətlə üzləşmişdi, buna görə bizə qarşı aqressiv çıxış edəcəklərini bilirdik. Bu bizim üçün 6 xallıq oyun idi. 3:0 hesablı qələbə kənardan rahat qazanılmış kimi görünsə də, belə deyil. Bu qalibiyyəti çətinliklə əldə etdik. Buna görə xoşbəxtik və çalışacağıq ki, qarşıdakı matçlarda da azarkeşlərimizi sevindirək.
- AFFA İntizam Komitəsinin qərarıyla ötən tur baş verən hadisəyə görə "İmişli"yə texniki məğlubiyyət verildi. Bundan sonra psixoloji cəhətdən oyuna köklənmək çətin olmadı ki?
- Komanda yoldaşlarımla öz aramızda söhbət etdik ki, biz beynimizdə artıq bu 3 xalı qazanmışıq. Özümüzü buna inandırdıq. Əsas olan beynimizdəki turnir cədvəlidir. Hazırda neçənci yerdə olduğumuza baxmırıq, əsas odur ki, haqqımız olan qələbəni qazanmışıq. Bu da bizə "Karvan-Yevlax"la oyuna psixoloji cəhətdən hazır olmağa kömək etdi.
- Debütant komanda olaraq Premyer Liqada ardıcıl 3 qələbə qazanmaq necə hissdir? Bunu gözləyirdiz?
- Çox çətin təlim-məşq toplanışı keçmişdik. Bugünkü qələbələrimiz də ağır zəhmətimizin nəticəsidir. Oyundan-oyuna daha da artırmağa çalışacağıq. Bu uğurlu seriyanın davamını gətirmək istəyirik.
- Növbəti tur "Zirə"ni qəbul edəcəksiz. Bu oyundan gözləntin nədir?
- "Zirə" çempionatımızın ən güclü komandalarından biridir. Həftəbəhəftə, intensiv olaraq oyunlara hazırlaşırıq. Komanda yoldaşlarımın xarakteri var. Əsas olan da budur. Zənnimcə, bu xarakterlə yaxşı nəticələr əldə edə bilərik.
Daşqın Əziz
