Misli Premyer Liqasının 5-ci turunda keçirilən "Karvan-Yevlax" - "İmişli" matçından (0:3) sonra qonaqların baş məşqçisi Jorj Kaşkilya mətbuat konfransına qatılıb.

Pressing.az xəbər verir ki, portuqaliyalı mütəxəssis oyunla bağlı bunları deyib:

"Oyun üstünlülyümüzlə keçdi. Rəqib komanda yüksək təzyiq edirdi ki, bizə qol vursun. Lakin buna imkan vermədik və öz oyunumuzu diqtə etdik. Hesab 2:0 olduqdan sonra daha rahat oynamağa başladıq. Bilirdik ki, rəqib komanda bir qol vursa, işimiz çətinləşəcəkdi. Açıq oyun getdiyinə görə daha bir qol vurduq və vacib qalibiyyət əldə etdik".