Azər Bağırov: "Rəqib bir səhvimizdən istifadə edib qol vurdu"

Misli Premyer Liqasının 31-ci turunda keçirilən "Şamaxı" - "Kəpəz" oyunundan (2:1) sonra qonaqların baş məşqçisi Azər Bağırov mətbuat konfransına qatılıb.

Pressing.az xəbər verir ki, mütəxəssis qarşılaşma ilə bağlı bunları deyib:

"Oyuna itkilərlə gəlmişdik. Buna görə meydanda rotasiyalarımız çox oldu. Rəqib bir səhvimizdən istifadə edib, hesabda önə keçdi. Şanslarımız çox olsa da, dəyərləndirə bilmədik. Lakin önə baxmaq lazımdır. Uğur qazanmaq istəyiriksə, çox çalışmalıyıq".