Millidə intizam böhranı: Səfərovdan Abbasova hörmətsiz jest – VİDEO

Emil Səfərov ötən gün Litva ilə matçda baş məşqçi Ayxan Abbasova əl ilə jest edərək hörmətsizliyə yol verdi.

Bu, Emilin ilk intizamsızlığı deyil. FIFA Series turnirində Syerra-Leone futbolçusuna şillə vurmuş, hakim görmədiyi üçün qırmızı vərəqədən yayınmışdı. VAR olsaydı, millimiz azlıqda qala, mini turnirin çempionluğunu itirə bilərdi.

Ayxan Abbasov ona yenidən şans verdi, milliyə dəvət etdi, dəstək oldu, böyüklük etdi. Qarşılığında isə bu gün 45 dəqiqəlik bərbad oyun, penaltiyə səbəb olmaq və baş məşqçiyə edilən hörmətsiz jest. Bu, kənardan baş məşqçinin avtoritetinə, sözünün ağırlığına böyük zərbədir. Özü də bunu edən təcrübəli futbolçu deyil, hələ millidə təzə-təzə özünə yer etməyə çalışan biri…

Kənardan baxanda elə görünür ki, milli komanda kiminsə kefinə uyğun davrana biləcəyi bir yerdir. Kimin nə istəyi varsa, onu da edir. Bura millidir! Bu formanı geyinən hər kəs onun məsuliyyətini, ağırlığını və dəyərini dərk etməlidir - futbolçusundan tutmuş, rəhbərliyinə qədər.

Həmin anın videosunu linkə daxil olaraq izləyə bilərsiniz.

Orxan İsmayılov