"Güclünün tərəfində olmaq asandır" – Azər Bağırov
"Kəpəz" klubunun baş məşqçisi Azər Bağırov Misli Premyer Liqasının 35-ci turunda "Qarabağ"a 0:3 hesabı ilə uduzduqları oyunu şərh edib.
Pressing.az xəbər verir ki, o, matçdan sonra keçirilən mətbuat konfransında deyib:
"Çempionluq münasibətilə "Qarabağ"ı təbrik edirəm. İllərdir ki, "Qarabağ"la layiqli mübarizə aparan rəqib yoxdur. İnşallah, gələcək üçün yaxşı olar. Komandaların büdcələri artar, inkişaf edər və gərgin mübarizənin şahidi olarıq. Oyuna gəlincə, düşünürəm ki, maraqlı matç oldu. Birinci hissə rəqibə müqavimət göstərdik. İkinci hissədə çatdıra bilmədik. Ehtiyat heyətin kasad olması təsirsiz ötüşmədi. Bunları aradan qaldırmaq lazımdır".
Mütəxəssis VAR-a baxıldıqdan sonra "Qarabağ"ın sayılan qolundan danışıb: "Bilirəm ki, onlar təkrara baxmağa gedəndə, qərarlar çox vaxt rəqibin xeyrinə verilir. Bizdə isə əksinə oldu. Yəqin ki, hakimlər nəsə bilirlər. Rəvan Həmzəzadə bizim ən güclü hakimlərimizdən biridir. Artıq üçüncü dəfədir ki, "Qarabağ"la oyunlarımızda o idarə edir. Tovuzdakı oyunda da (0:5) Həmzəzadə idi. 3 milyonluq "Kəpəz" 34 milyonluq "Qarabağ"a qarşı oynayanda hakimlərin rəğbəti bizim tərəfə olmur. Zəif komandalarla bağlı bir antipatiya var. Başa düşmürəm, niyə belədir? Biz həmişə zəifin tərəfində olmuşuq. Güclünün tərəfində olmaq asandır. Bu, düzgün deyil".
Pressing.az xəbər verir ki, o, matçdan sonra keçirilən mətbuat konfransında deyib:
"Çempionluq münasibətilə "Qarabağ"ı təbrik edirəm. İllərdir ki, "Qarabağ"la layiqli mübarizə aparan rəqib yoxdur. İnşallah, gələcək üçün yaxşı olar. Komandaların büdcələri artar, inkişaf edər və gərgin mübarizənin şahidi olarıq. Oyuna gəlincə, düşünürəm ki, maraqlı matç oldu. Birinci hissə rəqibə müqavimət göstərdik. İkinci hissədə çatdıra bilmədik. Ehtiyat heyətin kasad olması təsirsiz ötüşmədi. Bunları aradan qaldırmaq lazımdır".
Mütəxəssis VAR-a baxıldıqdan sonra "Qarabağ"ın sayılan qolundan danışıb: "Bilirəm ki, onlar təkrara baxmağa gedəndə, qərarlar çox vaxt rəqibin xeyrinə verilir. Bizdə isə əksinə oldu. Yəqin ki, hakimlər nəsə bilirlər. Rəvan Həmzəzadə bizim ən güclü hakimlərimizdən biridir. Artıq üçüncü dəfədir ki, "Qarabağ"la oyunlarımızda o idarə edir. Tovuzdakı oyunda da (0:5) Həmzəzadə idi. 3 milyonluq "Kəpəz" 34 milyonluq "Qarabağ"a qarşı oynayanda hakimlərin rəğbəti bizim tərəfə olmur. Zəif komandalarla bağlı bir antipatiya var. Başa düşmürəm, niyə belədir? Biz həmişə zəifin tərəfində olmuşuq. Güclünün tərəfində olmaq asandır. Bu, düzgün deyil".
