Yuri Vernidub: "Daha çox qol vurmalı idik"

Misli Premyer Liqasının 16-cı turunda keçirilən "Karvan-Yevlax" - "Neftçi" oyunundan sonra qonaqların baş məçqçisi Yuri Vernidubun iştirakıyla mətbuat konfransı keçirilib.

Pressing.az xəbər verir ki, ukraynalı mütəxəssis matçla bağlı bunları deyib:

"Oyunu iki hissəyə bölərdim. İlk yarıda oyunçular sürəti və intensivliyi göstərə bilmədilər. Əslində "Karvan-Yevlax"ın elə də fürsətləri olmadı. Son dəqiqələrdə biz onlar üçün penalti yaratdıq. İkinci hissə tam başqa idi. İlk dəqiqələrdən görürdük ki, rəqib vaxt aparmağa çalışır. Bunu başa düşdük və hücum etməyə başladıq. Nəticədə 2 qol vurduq. Düşünürəm ki, daha çox qol vurmalı idik. Çünki bir neçə yüz faizli qol vəziyyətləri yaratdıq.".