Misli Premyer Liqasının 9-cu turunda keçirilən "Karvan-Yevlax" - "Turan Tovuz" matçından (1:2) sonra meydan sahiblərinin baş məşqçisi Azər Həşimovun iştirakıyla mətbuat konfransı keçirilib.

Pressing.az xəbər verir ki, o, oyunla bağlı bunları deyib:

"Oyundan öncə dörd gün istirahət etmişdik. Matça yaxşı hazırlaşmışdıq. Deyərdim ki, komandamız hesabda irəli olanda rəqibin ciddi hücumları olmadı. Heç vaxt bəhanə etməyi xoşlamamışam. Qarşıdakı çox oyunumuz var. İşimizi ləyaqətlə, məsuliyyətlə görməyə çalışırıq. Bu gün məğlubiyyətə layiq deyildik, əfsuslar olsun ki, nəticə belə oldu. "Karvan-Yevlax"ın Premyer Liqada qalması üçün əlimizdən gələni edəcəyik. Hər birimiz uğursuzluq zolağından çıxmaq üçün çalışırıq".