Misli Premyer Liqasının 13-cü turunda keçirilən "Kəpəz" - "Zirə" matçından (0:2) sonra qonaq komandanın baş məşqçisi Rəşad Sadıqovun iştirakıyla mətbuat konfransı keçirilib.

Pressing.az xəbər verir ki, mütəxəssis oyunla bağlı bunları deyib:

"Məlum futbol şəraitində ilk hissədə sürətli futbolun şahidi ola bilmirdik. Günorta saat 2, süni örtüklü meydança, günəşli hava... Yevlax şəhər stadionunun ot örtüyü yenidir. Meydançanın özünü tam tutması üçün 2-3 ay lazımdır. İlk hissədə meydanda daha çox mübarizə gedirdi. Sürətli oyunun şahidi ola bilmirdik. Rəqib çox yaxşı pressinq tətbiq edirdi. İkinci hissədə sürəti bir az artırdıq. İki qol vurub olduqca önəmli qələbə qazandıq".