Misli Premyer Liqasının 4-cü turunda keçirilən "Neftçi" - "Sabah" matçından (0:0) sonra qonaqların baş məşqçisi Valdas Dambrauskasın iştirakıyla mətbuat konfransı keçirilib.

Pressing.az xəbər verir ki, litvalı mütəxəssis oyunla bağlı bunları deyib:

"Çətin oyun oldu. Hər iki komanda üçün nəticə önəmli idi. "Neftçi" də son oyunda məğlub olmuşdu, biz də. Ümumiyyətlə, bugünkü oyunda mövqe hücumları az oldu. Birinci hissədə bəlkə də mövsüm ərzində edəcəyimiz səhvləri buraxdıq. İkinci yarıda yaxşı təsir bağışlasaq da, istədiyimiz nəticəyə nail ola bilmədik. Məncə, matçın ədalətli nəticəsi heç-heçə idi".