Misli Premyer Liqasının 8-ci turunda keçirilən "Şamaxı" - "Turan Tovuz" matçından (2:2) sonra qonaqların baş məşqçisi Kurban Berdıyevin iştirakı ilə mətbuat konfransı keçirilib.
Pressing.az xəbər verir ki, təcrübəli mütəxəssis oyunla bağlı fikirlərini bölüşdükdən sonra jurnalistlərin suallarını cavablandırıb.
- Düşünürəm ki, heç-heçə qanunauyğundur. Son dəqiqəyə qədər oynadıq, lakin matçın ədalətli nəticəsi heç-heçə idi.
- Əsas oyunçular ehtiyatda qalmışdı. Bunun xüsusi səbəbi var idimi?
- Miller zədəli olduğundan sonradan meydana daxil oldu. Daha sonra iki oyunçumuza da şans yaratdıq.
- Standart vəziyyətlər zamanı yerinizi köməkçi məşqçiyə verdiniz. Bu taktikanı əvvəllər də istifadə etmisiz, yoxsa Azərbaycanda həyata keçirdiz?
- Bəli, əvvəlki matçlarda da belə olub.
- Üç oyundur ki, komandanız qələbə qazana bilmir. Bunu eniş saymaq olar?
- Xeyr, bu, eniş deyil. Düzdür, nəticə bizi qane etmir, amma bunu eniş saymaq olmaz.
Daşqın Əziz