Cavid Hüseynovdan heç-heçə şərhi

Misli Premyer Liqasında 2026/27 mövsümünün ilk turu çərçivəsində "Araz-Naxçıvan" "İmişli" ilə heç-heçəyə (0:0) razılaşıb.

Pressing.az xəbər verir ki, Naxçıvan təmsilçisinin baş məşqçisi Cavid Hüseynov oyundan sonra keçirilən mətbuat konfransında oyun barədə fikirlərini bölüşüb və və jurnalistlərin suallarını cavablayıb.

"Yeni mövsümün başlaması münasibətilə bütün futbol ictimaiyyətini təbrik edirəm. Bilirdik ki, bu gün bizi çox çətin oyun gözləyir. Hazırlıq prosesində bir az gecikməmiz oldu, cəmi 5 həftə məşq edə bildik. Ümumilikdə futbolçuların meydanda göstərdiyi mübarizədən razıyam. Lakin başa düşürük ki, potensialımız bundan daha çoxdur. Məşqlərdə daha da yaxşı çalışıb, qarşıdakı oyunlarda qələbələr qazanmaq istəyirik".