AFFA qələbəyə görə futbolçulara bu qədər mükafat verəcək

Azərbaycan milli komandası ötən gün Millətlər Liqasındakı üçüncü oyununda "doğma divarlar arasında" Litvaya çətinliklə qalib gələrək turnirdə ilk qələbəsini qazanıb.

Qazanılan 3 xal isə AFFA tərəfindən ənənəvi şəkildə qiymətləndirilib.

Pressing.az-a daxil olan məlumata görə, qarşılaşmada start heyətində meydana çıxan futbolçuların hər birinə 30 min manat mükafat veriləcək.

Oyuna sonradan qoşulan futbolçular isə əsas heyət üzvlərinə nəzərdə tutulan məbləğin 75 faizini – 22 min 500 manat alacaqlar.

Matçı ehtiyat oyunçular skamyasından izləyən futbolçuların payına isə mükafatın 50 faizi – 15 min manat düşəcək.

Beləliklə, Litva üzərində əldə olunan qələbə həm turnir cədvəlində liderliyi, həm də milli üzvləri üçün maddi mükafatı təmin edib.

Foto: AFFA

Pressing.az