Jorj Kaşkilya: "Nəticədən tam razı deyilik"

"İmişli" klubu Misli Premyer Liqasının 23-cü turu çərçivəsində "Şamaxı" ilə qolsuz heç-heçəyə razılaşıb.

Pressing.az xəbər verir ki, İmişli təmsilçisinin baş məşqçisi Jorj Kaşkilya matçdan sonra keçirilən mətbuat konfransında oyun barədə fikirlərini bölüşüb.

"Çox mübarizəli və sərt oyun keçdi. "Şamaxı"nın uzun ötürmələrə üstünlük verəcəyini bilirdik və buna hazır idik. Xüsusilə son 30 dəqiqədə qol vurmaq üçün hücumlarımızın sayını artırdıq, yaxşı şanslarımız da oldu, lakin onlardan yararlana bilmədik. Rəqib çox sayda qayda pozuntusuna yol verirdi, baş hakim isə buna şərait yaradırdı. Biz tempi yüksək tutmağa çalışsaq da, rəqib ardıcıl qayda pozuntuları ilə sürəti aşağı salırdı. Hakimlərdən bu halların qarşısını daha effektiv alacağını gözləyirdik, amma bu baş vermədi. Heç-heçə pis nəticə olmasa da, bura qələbə üçün gəlmişdik və nəticədən tam razı deyilik".