AFFA İntizam Komitəsinin iclası keçirilib.

Pressing.az xəbər verir ki, iclasda I Liqanın 10-cu turu ilə bağlı aşağıdakı qərarlar qəbul edilib:

“Karvan” – “İrəvan” oyunu bitdikdən sonra “İrəvan” klubunun 5 nömrəli futbolçusu Elvin Yunuszadə stadionun giriş qapısına zərər vurduğuna görə 1 oyun cəzalanıb, “İrəvan” klubu 100 manat cərimə edilib. Stadiondakı əmlaka dəymiş zərər “İrəvan” klubu tərəfindən ödənilsin.

“Karvan” – “İrəvan” oyunu bitdikdən sonra “İrəvan” klubunun 98 nömrəli futbolçusu Əli Əliyev stadionun soyunub-geyinmə otağının qapısına zərər vurduğuna görə 1 oyun cəzalanın, “İrəvan” klubu 100 manat cərimə edilin. Stadiondakı əmlaka dəymiş zərər “İrəvan” klubu tərəfindən ödənilsin.

“Zaqatala” – “Difai Ağsu” oyununda “Zaqatala” klubunun 4 futbolçusu sarı vərəqə aldığına görə “Zaqatala” klubu 70 manat cərimə edilib.

“Zaqatala” – “Difai Ağsu” oyununun 90+1-ci dəqiqəsində “Zaqatala” klubunun 55 nömrəli futbolçusu Firuz Əhmədov ikinci sarıdan qırmızı vərəqə aldığına görə 1 oyun cəzalanıb, “Zaqatala” klubu 50 manat cərimə edilib.

“Zaqatala” – “Difai Ağsu” oyununun 90+7-ci dəqiqəsində “Zaqatala” klubunun 33 nömrəli futbolçusu Kənan Müslümov qeyri-etik ifadə və ya hərəkətə görə birbaşa qırmızı vərəqə aldığı üçün 3 oyun cəzalanıb, “Zaqatala” klubu 200 manat cərimə edilib.

“Qaradağ Lökbatan” – “Mingəçevir” oyununda “Mingəçevir” klubunun 4 futbolçusu sarı vərəqə aldığına görə “Mingəçevir” klubu 70 manat cərimə edilib.

“Qaradağ Lökbatan” – “Mingəçevir” oyununun ikinci hissəsində xərəkdaşıyanların say limiti pozulduğuna görə “Qaradağ Lökbatan” klubu 80 manat cərimə edilib.

“Araz Saatlı” – “Şamaxı” oyununun 57-ci dəqiqəsində “Araz Saatlı” klubunun 14 nömrəli futbolçusu Samir Alıyev rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalanıb, “Araz Saatlı” klubu 80 manat cərimə edilib.

“İmişli” – MOİK oyununda MOİK klubunun 4 futbolçusu sarı vərəqə aldığına görə MOİK klubu 70 manat cərimə edilib.

“İmişli” – MOİK oyununun 87-ci dəqiqəsində “İmişli” klubunun 8 nömrəli futbolçusu Tolqar Yaqubov ikinci sarıdan qırmızı vərəqə aldığına görə 1 oyun cəzalanıb, “İmişli” klubu 50 manat cərimə edilib.

“İmişli” – MOİK oyununun 88-ci dəqiqəsində matçın rəsmi protokolunda adı olmayan “İmişli” klubunun inzibatçısı Xəzər Kazımlı rəqibi təhqir etdiyi üçün birbaşa qırmızı vərəqə aldığına görə 5 oyun cəzalanıb, “İmişli” klubu 400 manat cərimə edilib.

“İmişli” – MOİK oyununda PFL Əsasnaməsinin tələbi pozulduğuna görə “İmişli” klubu 50 manat cərimə edilib.

“İmişli” – MOİK oyununun 23-cü dəqiqəsində “İmişli” klubunun azarkeşləri tərəfindən pirotexniki vasitədən istifadə edildiyinə görə “İmişli” klubu 150 manat cərimə edilir (maddə 52.2);

06.12.2023-cü il tarixində I Liqada X turun “İmişli” – MOİK oyunu başa çatdıqdan sonra meydançaya kənar şəxslər daxil olduğuna görə “İmişli” klubu 80 manat cərimə edilib.