Azərbaycan cüdoçusu 1/4 finalda uduzdu

Bakıda cüdo üzrə dünya çempionatı davam edir.

Pressing.az xəbər verir ki, dünya çempionatının ikinci günündə Azərbaycanı dörd cüdoçu tatamidə təmsil edir.

52 kq

Qadınların yarışında Gültac Məmmədəliyeva ilk görüşündə İsrail təmsilçisi Gefen Primoya qalib gələrək 1/8 finala yüksəlib. Burada isə Avstraliya təmsilçisi Tinka İstana qalib gəlib. 1/4 finalda Gültac Məmmədəliyeva İtaliya təmsilçisi Odette Giuffridaya məğlub olub. İndi onu təsəlliverici görüş gözləyir.

66 kq

Ruslan Paşayev ilk görüşündə Türkmənistan təmsilçisi Sərdar Rəhimova qalib gələrək 1/8 finala yüksəlib. Lakin 1/8 finalda İtaliya təmsilçisi Valerio Aççoqliyə məğlub olaraq mübarizəni dayandırıb.

Nizami İmranov isə ilk görüşündə Gürcüstan təmsilçisi Važa Margelaşviliyə qalib gələrək 1/16 finala yüksəlib. Burada Rusiya təmsilçisi Ramazan Abdullayevə uduzaraq mübarizəni başa vurub.

Turan Bayramov startda Finlandiya təmsilçisi Saşa Luukasa məğlub olub və turnirdə çıxışını başa çatdırıb.

Qeyd edək ki, hazırda komandamızın aktivində bir medal var. Əhməd Yusifov (60 kq) qızıl medal qazanıb.