Bir qolun sirri... – YAZI
Görəsən, qrup liderliyinə sevinən məşqçilərin, federasiya rəsmilərinin UEFA reqlamentindən xəbəri var? Yoxsa yenə nəticənin arxasında gizlənməyi üstün tuturuq?
Bilirsiniz, əsl biabırçılıq nədir? Malta, Andorra, Cəbəllütariq, Litva və Lixtenşteyn kimi komandaların yer aldığı D Liqasında ikinci yeri tutmuşuq. Bəli, məhz ikinci yeri!
Nəticədə AVRO-2028-in pley-offunda iştirak etmək imkanını əldən vermişik. Malta ilə eyni xalı toplamışıq, top fərqimiz də eynidir. Amma rəqib bizdən çox qol vurduğu üçün pley-off şansını qoruyub, biz isə kənarda qalmışıq.
Bir qol! Cəmi bir qol!
Lixtenşteynlə oyunda bir dəfə də rəqib qapısına yol tapa bilsəydik, Azərbaycan futbolu tarixində ilk dəfə Avropa çempionatının pley-offunda iştirak etmək şansımız yaranacaqdı.
Heç kim demir ki, həmin pley-offdan keçəcək, AVRO-2028-ə vəsiqə qazanacaqdıq. Söhbət bundan getmir. Söhbət ölkə futbolu adına yaşaya biləcəyimiz böyük həyəcan və tarixi təcrübədən gedir.
Amma biz bu fürsəti bir qola görə əldən verdik. Bir qolun sirri də elə bundadır: bəzən bütöv bir futbol nəslinin arzusunu əlindən alır.
İndi kimsə çıxıb qrupdakı nəticəmizlə öyünəcəksə, əvvəlcə bu reallığa cavab versin: Bizə tarix yazmaq üçün bir qol lazım idi, onu da vura bilmədik!
Təbriz Quliyev
Bilirsiniz, əsl biabırçılıq nədir? Malta, Andorra, Cəbəllütariq, Litva və Lixtenşteyn kimi komandaların yer aldığı D Liqasında ikinci yeri tutmuşuq. Bəli, məhz ikinci yeri!
Nəticədə AVRO-2028-in pley-offunda iştirak etmək imkanını əldən vermişik. Malta ilə eyni xalı toplamışıq, top fərqimiz də eynidir. Amma rəqib bizdən çox qol vurduğu üçün pley-off şansını qoruyub, biz isə kənarda qalmışıq.
Bir qol! Cəmi bir qol!
Lixtenşteynlə oyunda bir dəfə də rəqib qapısına yol tapa bilsəydik, Azərbaycan futbolu tarixində ilk dəfə Avropa çempionatının pley-offunda iştirak etmək şansımız yaranacaqdı.
Heç kim demir ki, həmin pley-offdan keçəcək, AVRO-2028-ə vəsiqə qazanacaqdıq. Söhbət bundan getmir. Söhbət ölkə futbolu adına yaşaya biləcəyimiz böyük həyəcan və tarixi təcrübədən gedir.
Amma biz bu fürsəti bir qola görə əldən verdik. Bir qolun sirri də elə bundadır: bəzən bütöv bir futbol nəslinin arzusunu əlindən alır.
İndi kimsə çıxıb qrupdakı nəticəmizlə öyünəcəksə, əvvəlcə bu reallığa cavab versin: Bizə tarix yazmaq üçün bir qol lazım idi, onu da vura bilmədik!
Təbriz Quliyev





































