AFFA İntizam Komitəsi "İmişli" klubuna texniki məğlubiyuyət (0:3) verib.

Pressing.az xəbər verir ki, bu barədə AFFA-nın saytı məlumat yayıb.

Buna səbəb Misli Premyer Liqasında 4-cü turunda "İmişli" – "Sumqayıt" oyununun 67-ci dəqiqəsində "İmişli" komandasının heyətində adı protokolda olmayan İbrahim Əliyevin oyuna daxil olması olub. Klub 0:3 hesablı texniki məğlubiyyətlə yanaşı, 5 min manat cərimələnib.

Texniki məğlubiyyətə görə 3 xalı silinən "İmişli" turnir cədvəlində 4-cü pillədən 8-ci yerə enib.

Bu görüşün 90+4-cü dəqiqəsində “İmişli”nin heyətində 94 nömrəli futbolçu Rafael Vieqaş təcavüzkar davranışa (rəqibi ayaqla vurduğuna) görə birbaşa qırmızı vərəqə aldığı üçün 3 oyun cəzalandırılıb, klubu 3 min manat cərimə edilib.

Xatırladaq ki, sözügedən oyunda "İmişli" 1:0 hesabı ilə qalib gəlmişdi.