"Sumqayıt" Misli Premyer Liqasının 16-cı turu çərçivəsində bu gün səfərdə "Kəpəz"i məğlub edib - 1:0.

Görüşdə "kimyaçılar"ın yeganə qolunun müəllifi olan Vurğun Hüseynov matçdan sonra Pressing-az-a danışıb.

34 yaşlı müdafiəçi bu qələbənin "Sumqayıt" üçün vacib olduğunu vurğulayıb:

"Kubok matçları da daxil olmaqla 16 oyundan sonra ilk qələbəmiz idi. Bu görüşə çox ciddi hazırlaşmışdıq. Gəncə səfəri hər komanda üçün çətin olur. Yaxşı mübarizə apardıq və qələbə qazandıq. Bu qalibiyyət bizim üçün çox vacib idi. Əvvəlki matçlarda da yaxşı oyun göstərirdik, ancaq qələbə qazana bilmirdik. Şükürlər olsun ki, bu gün istəyimizə nail olduq".

Pressing.az