Azərbaycanlı şahmat hakimi FİDE-nin xüsusi mükafatına layiq görüldü

Beynəlxalq dərəcəli hakim Ülkər Umudova Beynəlxalq Şahmat Federasiyası (FİDE) tərəfindən xüsusi mükafata layiq görülüb.

Bu barədə Pressing.az-a Azərbaycan Şahmat Federasiyasının mətbuat xidmətindən bildirilib.

Şahmatın inkişafına verdiyi töhfələrə görə xüsusi mükafat Umudovaya Səmərqənddə keçirilən və məqsədi qadınların şahmatdakı rolunun artırılmasına yönələn “Beyond the Board: Women, Innovation and the Business of Chess” toplantısında təqdim olunub.