Azərbaycan boksçusu Avropa çempionu oldu!

Azərbaycan boksçusu Sübhan Mamedov Avropa çempionu olub.

Pressing.az xəbər verir ki, 50 kq çəki dərəcəsində mübarizə aparan millinin üzvü bu titula Bolqarıstanın paytaxtı Sofiyada yiyələnib.

Dünya çempionu və U-23 Avropa çempionatının qalibi finalda Bair Batlayevi məğlub edib. Hər 3 raundu xeyrinə bitirən Mamedov yekunda 4:1 hesabı ilə qalib gələrək Avropa çempionatının qızıl medalını qazanıb.

Digər təmsilçimiz Səidcəmşid Cəfərov (75 kq) yarımfinalda Kalum Meykinə (İngiltərə) qalib gəlib və sabah həlledici döyüşdə İsmayıl Mutsolqovla (Rusiya) üz-üzə gələcək.

Amin Məmmədzadə (55 kq) isə Avropa çempionatını bürünc medalla başa vurub.

Xatırladaq ki, çempionata sentyabrın 25-də yekun vurulacaq.