Ülvi İsgəndərov: "Sonda yorğunluq öz sözünü dedi" – AÇIQLAMA

"Araz-Naxçıvan" Misli Premyer Liqasının 12-ci turu çərçivəsində ötən gün "Turan Tovuz"la 1:1 hesablı heç-heçəyə razılaşıb.

Matçdan sonra Naxçıvan təmsilçisinin mərkəz hücumçusu Ülvi İsgəndərov Pressing.az-ın suallarını cavablandırıb.

– Qələbə hesabını niyə qoruyub saxlaya bilmədiz?

– Qarşılaşmaya yaxşı hazırlaşmışdıq. "Turan Tovuz"un güclü komanda olduğunu bilirdik. Matçda hesabı biz açdıq. Lakin son dəqiqələrdə komandadakı yorğunluq istər-istəməz sözünü dedi və buna görə qol buraxdıq.

– Hazırda turnir cədvəlinin 6-cı pilləsindəsiz. Ötən mövsümlə, yeni "sezon"un əvvəliylə müqayisədə bu sizi narahat edir? Ümumiyyətlə, avrokuboklara iddianız qalır?

– Əlbəttə, qalır. Turnir cədvəlinə baxdıqda hazırda, demək olar ki, bütün klubların xalları aşağı-yuxarı, eynidir. Qarşıdakı oyunlara yaxşı hazırlaşıb, sərfəli nəticələr əldə edib, istəyimizə çatmaq istəyirik.

– Növbəti turda "Qəbələ" səfərinə yollanacaqsız. Bu oyundan gözləntin nədir?

– "Qəbələ" də çox yaxşı komandadır. Üstəgəl, "Qəbələ" səfəri hər zaman çətin olub. Bu matça da yaxşı hazırlaşıb, qələbə qazanmağa çalışacağıq.

Daşqın Əziz