"Qəbələ" klubunun hücumçusu Ülvi İsgəndərovun Pressing.az-a müsahibəsini təqdim edirik:

- Doğma meydanda "Səbail''i məğlub edərək vacib qələbə qazandız. Bu oyun barədə fikirlərini bölüşərdin...

- Oyunun ağır keçəcəyini bilirdik və buna hazır idik. Gözləmədiyimiz anda erkən qol buraxdıq, amma buna baxmayaraq, toparlanıb qələbə qazandıq.

- Dumanlı havada oynamaq sizə nə kimi çətinliklər yaratdı?

- Əlbəttə, hava ürəkaçan deyildi. Hər iki komanda üçün çətindi. Belə havada bəzən olurdu ki, 20 metrlikdəki futbolçunu görmürdüm.

- Bu mövsüm Elmar Baxşıyev səni start heyətində meydana buraxmayıb. 3 dəfə meydana daxil olub, komandanın qələbə qolunu vurmusan. 90 dəqiqə oynamaq üçün özünü hazır görürsənmi?

- Bu, məşqçilərin verdiyi qərardır, hörmətlə yanaşıram. Meydana girəndə həmişə qol vurmağa çalışıram. Ehtiyatda olmağım o demək deyil ki, mən komandadan qıraqdayam. Mən də komandanın bir parçasıyam. Oyuna girəndə komandama kömək etməyə çalışıram. Əlbəttə, 90 dəqiqə oynamağa hazıram.

- Bu mövsüm də avrokuboklara vəsiqə qazanacağınıza ümid edirsən?

- Əlbəttə, komanda olaraq ən yaxşısını istəyirik. Yenidən avrokuboklarda çıxış etmək istəyirik. Amma bizi çətin oyunlar gözləyir.

- Başqa klublardan təkliflər varmı?

- Var, amma "Qəbələ" ilə mövsümün sonuna qədər müqaviləm var.

- Yerli yoxsa xarici?

- Yerli də , xarici də.

Pressing.az