Azərbaycanın 5 güləşçisi yarımfinalda

Bolqarıstanın Samokov şəhərində güləş üzrə U-17 Avropa çempionatı davam edir.

Pressing.az xəbər verir ki, 5-ci yarış günündə "sərbəst"lərimiz mübarizəyə başlayıbılar.

Bu gün tatamiyə çıxanlardan ilk olaraq Hüseyn Rzazadə (48 kq) yarımfinala yüksəlib. O, gürcüstanlı Laşa Koridze (9:0) və türkiyəli Yiğit Egemenə (10:0) qalib gəlib.

Hüseyn finala gedən yolda rusiyalı Asilder Asluyevlə üz-üzə gələcək.

Abbas Şəfiyev (55 kq) türkiyəli Muhammed Yiğit (8:5) və slovakiyalı Patrik Vetraka (6:0) qalib gələrək yarımfinala adlayıb.

Güləşçimiz yarımfinal görüşündə ermənistanlı Suren İşxanyanla qarşılaşacaq.

Rəşid Nazarov (65 kq) gürcüstanlı Bidzina Jintçaradzeyə xalların keyfiyyətinə görə (2:2) qalib gəldikdən sonra türkiyəli Aydıncan Gümüşdağ (7:3) və ukraynalı Teymur Abumislimov (3:1) üzərində qələbə qazanaraq mərhələ adlayıb.

O, yarımfinalda fransalı Saşa Oberlə güləşəcək.

Nihad Süleymanlı (80 kq) gürcüstanlı Rati Revazaşvili (7:2) və macarıstanlı Zeteni Tuğiyi (7:0) məğlub edərək yarımfinala yüksəlib.

Təmsilçimiz həlledici görüşdə rusiyalı Rəcəb Rəcəbovla güləşəcək.

Hakim Tağıyev (110 kq) rusiyalı Maqomed Omarovu (2:1) və slovakiyalı Adam Koşanı (4:1) üstələyərək yarımfinala adını yazdırıb.

Hakim yarımfinalda gürcüstanlı Murtaz Baqdavadze ilə münasibətlərini aydınlaşdıracaq.