Azərbaycanın 3 cüdoçusu 1/8 finalda

Bakıda keçirilən cüdo üzrə dünya çempionatı davam edir.

Pressing.az xəbər verir ki, Milli Gimnastika Arenasında keçirilən çempionatda bu gün fərdi yarışlar başa çatacaq.

Mundialın 7-ci günündə Azərbaycanın 4 təmsilçisi mübarizəyə qoşulub.

Kişilər

+100 kq çəki

Uşanqi Kokauri 1/16 finalda Emirxan Joldoşkazıyevə (Qırğızıstan) qalib gələrək 1/8 finala yüksəlib.

Camal Qamzatxanov Fransisko Solislə (Çili) üz-üzə gəlib və qələbə qazanaraq 1/8 finalda yarışmaq hüququ qazanıb.

Kənan Nəsibov ilk mərhələdən azaddır. O, 1/16 finalda Losseni Koneni (Almaniya) məğlub edərək 1/8 finala yüksəlib.

Qadınlar

+78 kq çəki

Mədinə Kaysinova Asya Tavanoya (İtaliya) uduzaraq mübarizəni başa vurub.

Hazırda Azərbaycan millisinin aktivində 5 medal (1 qızıl, 1 gümüş, 3 bürünc) var. Bu, ölkəmizin cüdo tarixində dünya çempionatlarında rekord göstəricidir.

Sabah çempionatda komanda yarışları təşkil olunacaq.