“Səbail”in potensial sponsoru ilə bağlı QARANLIQ MƏQAMLAR

Mətbuatda I Liqada mübarizə aparan və növbəti mövsüm Premyer Liqada çıxış etməyə namizədlərdən olan "Səbail" klubunun yeni sponsorla anlaşdığı barədə xəbərlər yayılıb.

"Dənizçilər"in "Aztürk Holdinq" şirkəti ilə əməkdaşlıq edəcəyi bildirilir. Fəqət adıçəkilən holdinqdə işlər qaydasında deyil.

Pressing.az-a daxil olan informasiyaya görə, rəhbəri Güləli Bağırov olan holdinqin fəaliyyəti haqda şübhə doğuran məqamlar ortaya çıxıb.

Məlumatda "Aztürk Holdinq"in Çin şirkətlərini aldatdığına dair məsələ qeyd olunur.

Bundan başqa, sözügedən şirkətin işçilərin maaşını vaxtlı-vaxtında verməməklə koorporativ öhdəlikləri pozduğuna dair də məsələ var.

Pressing.az