Gəncəli veteranların Mahmud Qurbanov istəyi: "Professor" nə düşünür?
"Kəpəz"də işlər rəvan getmir.
Gəncə təmsilçisi mövsümə bərbad start verib. Premyer Liqada 3 tur geridə qalıb və "sarı-göylər" hər 3 qarşılaşmadan məğlub ayrılıb. "Kəpəz"in son olaraq səfərdə "Zirə"dən 5 cavabsız qol buraxması isə gəncəli azarkeşlərin səbr kasasını daşırıb. Artıq indidən Gəncə klubunun elitanı tərk edəcəyi barədə proqnozlar verilir.
Yenidən "Kəpəz"in "sükanı arxasına" gətirilən Adil Şükürovun postunu tərk etmək istədiyi barədə məlumatlar da var. Gəncə təmsilçisinə qayıdışı uğurlu olmayan təcrübəli mütəxəssis postundan uzaqlaşmaq niyyətindədir.
Pressing.az-a daxil olan informasiyaya görə, "Kəpəz" rəhbərliyi baş məşqçi postunu "Sumqayıt"dan ayrılan Vaqif Cavadova həvalə etmək istəyir. "Sarı-göylər"in sabiq futbolçuları və azarkeşlərin istəyi isə başqa bir addan yanadır.
Belə ki, veteranlar illər əvvəl "Kəpəz"i çalışdırmış Mahmud Qurbanovu komandanın başında görmək istəyirlər. Gəncəlilər yalnız Qurbanovun komandanı çətin vəziyyətdən çıxaracağını düşünürlər. Bu qənaətə sosial şəbəkələrdə səsləndirilən fikirlərə əsasən, o cümlədən gəncəli veteranlarla söhbətləşərkən gəlmək mümkündür.
Bəs, görəsən, "professor" ləqəbli sabiq futbolçu "Kəpəz"dən təklif gəlsə, yenidən Gəncə klubunda çalışmağa hazırdırmı?
Sualımızı cavablandıran Mahmud bəy gəncəli veteranların onu dəstəkləməsindən məmnunluğunu, lakin hazırda komandanın baş məşqçisi (oxu: Adil Şükürov) olduğunu bildirdi:
"Gəncəli futbol veteranlarının mənə etimad göstərməsi, dəstəkləməsi çox xoşdur. Onların çoxu ilə 90-cı illərdə "Kəpəz"də çiyin-çiyinə oynamışıq. Lakin hazırda "Kəpəz"in baş məşqçisi var və mənə klubdan indiyədək təklif gəlməyib. Azarkeşlərin, futbol veteranlarının dəstəyi isə çox xoşdur. Hər birinə təşəkkür edirəm. Bu da onların seçimidir".
Qeyd edək ki, Mahmud Qurbanov 2018-ci ildə "Kəpəz"in baş məşqçisi olub.
Pressing.az
Gəncə təmsilçisi mövsümə bərbad start verib. Premyer Liqada 3 tur geridə qalıb və "sarı-göylər" hər 3 qarşılaşmadan məğlub ayrılıb. "Kəpəz"in son olaraq səfərdə "Zirə"dən 5 cavabsız qol buraxması isə gəncəli azarkeşlərin səbr kasasını daşırıb. Artıq indidən Gəncə klubunun elitanı tərk edəcəyi barədə proqnozlar verilir.
Yenidən "Kəpəz"in "sükanı arxasına" gətirilən Adil Şükürovun postunu tərk etmək istədiyi barədə məlumatlar da var. Gəncə təmsilçisinə qayıdışı uğurlu olmayan təcrübəli mütəxəssis postundan uzaqlaşmaq niyyətindədir.
Pressing.az-a daxil olan informasiyaya görə, "Kəpəz" rəhbərliyi baş məşqçi postunu "Sumqayıt"dan ayrılan Vaqif Cavadova həvalə etmək istəyir. "Sarı-göylər"in sabiq futbolçuları və azarkeşlərin istəyi isə başqa bir addan yanadır.
Belə ki, veteranlar illər əvvəl "Kəpəz"i çalışdırmış Mahmud Qurbanovu komandanın başında görmək istəyirlər. Gəncəlilər yalnız Qurbanovun komandanı çətin vəziyyətdən çıxaracağını düşünürlər. Bu qənaətə sosial şəbəkələrdə səsləndirilən fikirlərə əsasən, o cümlədən gəncəli veteranlarla söhbətləşərkən gəlmək mümkündür.
Bəs, görəsən, "professor" ləqəbli sabiq futbolçu "Kəpəz"dən təklif gəlsə, yenidən Gəncə klubunda çalışmağa hazırdırmı?
Sualımızı cavablandıran Mahmud bəy gəncəli veteranların onu dəstəkləməsindən məmnunluğunu, lakin hazırda komandanın baş məşqçisi (oxu: Adil Şükürov) olduğunu bildirdi:
"Gəncəli futbol veteranlarının mənə etimad göstərməsi, dəstəkləməsi çox xoşdur. Onların çoxu ilə 90-cı illərdə "Kəpəz"də çiyin-çiyinə oynamışıq. Lakin hazırda "Kəpəz"in baş məşqçisi var və mənə klubdan indiyədək təklif gəlməyib. Azarkeşlərin, futbol veteranlarının dəstəyi isə çox xoşdur. Hər birinə təşəkkür edirəm. Bu da onların seçimidir".
Qeyd edək ki, Mahmud Qurbanov 2018-ci ildə "Kəpəz"in baş məşqçisi olub.
Pressing.az
