"Kəpəz" klubu heyətini yeni futbolçu ilə gücləndirməyə hazırlaşır.

Pressing.az-a daxil olan informasiyaya görə, Gəncə təmsilçisi "Qarabağ"ın yarımmüdafiəçisi Nihad Quliyevi rənglərinə bağlamaq istəyir.

Məsələ burasındadır ki, "sarı-göylər" Quliyevi pul ödəmədən icarəyə götürmək niyyətindədir.

Gəncə klubu artıq bununla bağlı Ağdam təmsilçisinə müraciət edib. "Qarabağ" da öz növbəsində "Kəpəz"in qarşısına bir neçə öhdəlik qoyub.

Belə ki, bölgə klubu 22 yaşlı oyunçunun maaşını qarşılamalıdır. O cümlədən, Quliyev mövsümün yerdə qalan matçlarının 70 faizində oynamalıdır.

"Kəpəz" tərəfi bu şərtləri qəbul etsə, keçid yaxın 1 həftə ərzində reallaşa bilər.

Bildirək ki, Nihad Quliyev cari mövsüm "Qarabağ" formasıyla 3 oyunda meydana çıxıb.

Daşqın Əziz