Premyer Liqada yeni mövsümə uğursuz start verən "Kəpəz" Adil Şükürovla yolları ayırdıqdan sonra komandanın baş məşqçi postuna namizəd kimi bir neçə yerli mütəxəssisin adı çəkilir.

Pressing.az-a daxil olan informasiyaya görə, Gəncə təmsilçisi artıq bu məsələ ilə bağlı qərar verib.

Belə ki, "sarı-göylər"in "sükan"ı son olaraq "Mingəçevir"də çalışan Füzuli Məmmədova həvalə olunacaq.

Artıq 47 yaşlı mütəxəssislə "Kəpəz" rəhbərliyi arasında razılıq əldə olunub.

Qeyd edək ki, Füzuli Məmmədov 2020-ci ildə "Neftçi"nin baş məşqçisi olub. O, həm də Azərbaycanın U-15 və U-16 millilərində də eyni vəzifəni yerinə yetirib. Məmmədovun son iş yeri isə l Liqa təmsilçisi "Mingəçevir" olub.

Pressing.az