"Kəpəz" klubunda ayrılıq yaşanıb.

Pressing.az-ın əldə etdiyi məlumata görə, Gəncə təmsilçisi iranlı müdafiəçisi Peyman Keşavarzi ilə yolları ayırıb.

Komandanın baş məşqçisi Tərlan Əhmədov qarşıdakı dövrə üçün 26 yaşlı futbolçunun xidmətinə ehtiyac duymayıb. Saytımıza təcrübəli mütəxəssisin qapıçı Kamran İbrahimovu da komandadan göndərəcəyi barədə məlumat daxil olub.

Qeyd edək ki, "sarı-göylər" Keşavarzi ilə bu ilin avqustunda 1 illik müqavilə imzalamışdı.

Əlavə edək ki, Keşavarzi əvvəllər Azərbaycanda "Sumqayıt" və "Səbail"də oynayıb.

Elsevər Muradzadə