"Kəpəz" klubu daha bir futbolçunun keçidini həll etdiyini açıqlayıb.

Pressing.az xəbər verir ki, Gəncə təmsilçisi Rüfət Əhmədov "Qəbələ"dən bir illik müddətə icarəyə götürüb. 21 yaşlı oyunçu sol cinah müdafiəçisi mövqeyində çıxış edir.

Rüfət Əhmədov 21 yaşadək futbolçulardan ibarət Azərbaycan yığmasına da dəvət alır.

Qeyd edək ki, "Kəpəz" bunadək Vurğun Hüseynovu da transfer edb. Həmçinin komandanın baş məşqçisi Azər Məmmədov Qol.az saytına açıqlamsında belaruslu qapıçı Vladislav Vasilyuçeki, nigeriyalı dayaq yarımmüdafiəçisi Onanquva və "Qarabağ"dan Zamiq Əliyev ilə anlaşdıqlarını bildirib.