Gəncə futbolunda sensasiyalı gedişat davam edir.

Bu ilin mayında "Kəpəz"in İdarə Heyətinin üzvü, idman məsələləri üzrə müşaviri təyin olunan Erkin İbrahimov tutduğu vəzifədən uzaqlaşıb.

İbrahimovun "Kəpəz" karyerası iki ay cəmi iki ay çəkib.

Pressing.az-a daxil olan informasiyaya görə, proses Erkin bəylə yekunlaşmayacaq. Yeni komandanın digər üzvləri də tezliklə "Kəpəz"in sıralarını tərk edəcək.

Buraya İdarə Heyətinin sədri Namiq Qədirovla yanaşı, daha bir neçə şəxs daxildir.

Redaksiyamıza verilən məlumata əsasən, yeni komandanın hətta tam şəkildə "Kəpəz"i tərk etmək ehtimalı var.

Qeyd edək ki, İdarə Heyətinin tərkibi təsdiq olunduqdan sonra Gəncə klubunun "sükan"ı yenidən Adil Şükürova həvalə edilib. O, bu postda "Kəpəz"lə 2026-cı ilədək müqaviləsi olmasına baxmayaraq, vaxtından tez klubdan ayrılan Azər Bağırovu əvəzləyib.

Pressing.az