Bir neçə gündən sonra AFFA İcraiyyə Komitəsinin növbəti iclasının keçiriləcəyi gözlənilir.

Bu isə "Kəpəz" klubunun rəhbərliyini təlatümə salıb. Belə ki, "sarı-göylər"in İdarə Heyətinin sədri İlqar Nadiri iclasa az qalmış gəncəli veteranları klubun bazasına dəvət edərək onlarla görüşüb.

Pressing.az-a daxil olan informasiyaya görə, funksioner, veteranların tələblərini dinləyib və onların istəklərini nəzərə alacağını bildirib. Nadiri veteranlardan tənqidləri azaltmalarını da xahiş edib.

Belə görünür ki, İcraiyyə Komitəsinin iclasında milli komandanın baş məşqçisi Fernantu Santuş məsələsi ilə yanaşı "Kəpəz"lə də bağlı müzakirələr aparılıb, qərarlar veriləcək.

Bağlı qapılar arxasında keçiriləcək görüş İlqar Nadirini indidən narahat etməyə başlayıb.

Bildirək ki, 15 turdan sonra 10 xalı olan "Kəpəz" turnir cədvəlinin 9-cu pilləsində qərarlaşıb.

Pressing.az