Bıçaqlanan azarkeşin son durumu - Klub rəsmiləri xəstəxanadadır - ÖZƏL

Xəbər verdiyimiz kimi, Azərbaycan Premyer Liqasının 21-ci turunda keçirilən “Səbail” - “Kəpəz” oyununda azarkeşlər arasında dava düşüb.

"Dənizçilər"in azarkeşi Gəncədən gələn fanatlardan birinə bıçaqla xəsarət yetirib. Hadisədən dərhal sonra yaralı azarkeş 1 saylı Kliniki Tibbi Mərkəzə çatdırılıb.

Pressing.az-a verilən məlumata görə, həmin şəxs əməliyyat edilib və həyatı üçün ciddi təhlükə yoxdur. Hadisəni törədən şəxs isə artıq saxlanılaraq ərazi üzrə polis bölməsinə aparılıb.

Hazırda "Kəpəz" klubunun İdarə Heyətinin sədri İlqar Nadiri, komandanın baş məşqçisi Tərlan Əhmədov və Milli Məclisin deputatı Müşfiq Cəfərov da 1 saylı Kliniki Tibbi Mərkəzdədir.

Pressing.az