![](/uploads/posts/2023-10/1696795889_1690482981_elvin-780x470-1.jpg)
Xəbər verdiyimiz kimi, "Qarabağ"ın futbolçusu Elvin Cəfərquliyev bu gün Azərbaycan Premyer Liqasının 9-cu turu çərçivəsində səfərdə "Neftçi" ilə keçirilən oyundan (2:0) sonra polis bölməsinə aparılıb.
Əldə etdiyimiz ilkin məlumata əsasən, buna səbəb olaraq müdafiəçinin onun papağını götürərək qaçan azyaşlı ilə mübahisə etməsi və yekunda polis əməkdaşları tərəfindən bölməyə aparılmasını qeyd etmişdik.
Məsələ ilə bağlı Daxili İşlər Nazirliyinin Mətbuat Xidməti ilə əlaqə saxladıq. Qurumun əməşdakı, polis mayoru Anar Qafarov Pressing.az-ın sorğusuna cavab olaraq bildirdi ki, Cəfərquliyevin polis bölməsinə gəlməsinə səbəb əslində onun şikayəti ilə bağlı olub.
Belə ki, futbolçu "Neftçi" ilə matçdan sonra qanun keşikçilərinə çantasının oğurlandığını bildirib. Bundan sonra Elvin zərərçəkmiş şəxs kimi izahat yazması üçün polis bölməsinə dəvət olunub. Futbolçunun çantasını oğurlayan, stadiona azarkeş qismində gələn şəxs isə polislər tərəfindən müəyyən edilərək saxlanılıb və çanta sahibinə qaytarılıb.
Araşdırmalar davam etdirilir.
Elsevər Muradzadə
![](/templates/Red/images/geceden-sehere-billboard-728x90.png)