Xəbər verdiyimiz kimi, "Qarabağ"ın futbolçusu Elvin Cəfərquliyev bu gün "Neftçi" ilə keçirilən oyundan (2:0) sonra saxlanılıb.

22 yaşlı futbolçu matçdan sonra polis bölməsinə aparılıb.

Pressing.az-ın əldə etdiyi məlumata görə, buna səbəb müdafiəçinin azarkeşlə mübahisə etməsi olub. Belə ki, azyaşlı fanatlardan biri Cəfərquliyevin papağını götürərək oradan uzaqlaşıb. Futbolçu isə ona əsəbiləşib, azyaşlının arxasıyca düşüb. Tərəflər arasında mübahisə yaranıb. Daha sonra məsələyə polis əməkdaşları da müdaxilə edib və insident böyüyüb.

Nəticədə Cəfərquliyev ərazi üzrə polis bölməsinə aparılıb.