AFFA Arif Əsədova təklif göndərib?

Məlum olduğu ki, Fernandu Santuuş Azərbaycan millisindən göndərildikdən sonra onun yerinə baş məşqçi postuna müvəqqəti olaraq Ayxan Abbasov təyin edilib.

U-21 və "Şamaxı"nın da "sükanı arxasında" olan Abbasovun isə əsas yığmadakı fəaliyyətinin qışa qədər davam edəcəyi barədə məlumatlar yayılıb.

Bu mənada, millimizin baş məşqçi postuna namizəd olaraq bir sıra yerli mütəxəssisin adı çəkilir. Həmin məşqçilərdən biri də Canni de Byazidən sonra (oxu: 2023-2024-cü illər) Azərbaycan seçməsini müvəqqəti çalışdırmış Arif Əsədovdur.

Görəsən, AFFA rəhbərliyi Əsədova yenidən təklif göndərib?

Pressing.az-a açıqlama verən təcrübəli mütəxəssis qurumdan millinin baş məşqçi postu ilə bağlı təklif almadığını bildirib.

Pressing.az