Frank Lempard "Çelsi" klubunun müvəqqəti baş məşqçisi təyin edilib.

Pressing.az xəbər verir ki, London təmsilçisinin sabiq baş məşqçisi ilə bu mövsümün sonuna qədər müqavilə bağlanıb. Bildirilib ki, klub uzunmüddətli layihə üçün yeni məşqçi axtarışı prosesini davam etdirəcək.

44 yaşlı mütəxəssis 2019-cu ilin yayından və 2021-ci ilin yanvarına kimi London təmsilçisini çalışdırıb, daha sonra "Everton"a keçib. Lempard yanvardan işsiz idi.

Xatırladaq ki, aprelin 2-də "Çelsi" baş məşqçisi Qrem Potteri istefaya göndərdiyini açıqlayıb.