"Neftçi" "Kəpəz"in legionerini transfer edir

"Neftçi" klubu heyətini yeni futbolçuyla gücləndirməyə hazırlaşır.

Pressing.az-ın əldə etdiyi məlumata görə, "ağ-qaralar" "Kəpəz"in nigeriyalı hücumçusu Abdullahi Şuaybunu sıralarına qatmaq niyyətindədir.

Hazırda hər iki klub arasında danışıqlar aparılır. Əgər razılıq əldə olunarsa, Şuaybu qış transfer dövründə "Kəpəz"i "Neftçi"yə dəyişə bilər.

Qeyd edək ki, 20 yaşlı forvardın Gəncə təmsilçisi ilə 2023-cü ilin 30 iyununadək müqaviləsi var.