"Fənərbağça" Valensiyanı onunla əvəzləyir

"Fənərbağça" klubu heyətini yeni futbolçuyla gücləndirməyə hazırlaşır.

Pressing.az xəbər verir ki, İstanbul təmsilçisi komandadan ayrılacağı gözlənilən ekvadorlu hücumçusu Enner Valensiyaya əvəzləyici tapıb.

Belə ki, "sarı-lacivərtlər" vaxtilə "Trabzonspor"un formasını geyinmiş Aleksandr Şörlötü sıralarına cəlb etməyə yaxındır. Müqavilə ilə "Leypsiq"ə məxsus olan və hazırda icarə əsasında "Real Sosyedad"da çıxış edən 27 yaşlı norveçli mərkəz hücumçusu üçün qarşı tərəflə danışıqlar aparılır.

Qeyd edək ki, Valensiyanın "Fənərbağça" ilə müqaviləsi bu il iyunun 30-da bitir.