Rüfət Abdullazadə oynadı, komandası qalib gəldi

İsrail Premyer Liqasında 10-cu turun oyunları keçirilir.

Pressing.az xəbər verir ki, Azərbaycan millisinin yarımmüdafiəçisi Rüfət Abdullazadənin formasını geyindiyi "Kiryat Şimona" öz meydanında "Hapoel Hayfa"nı qəbul edib. Qarşılaşma meydan sahiblərinin 2:0 hesablı qələbəsi ilə başa çatıb.

Rüfət Abdullazadə görüşün 58-ci dəqiqəsində meydana daxil olub.

Bu qələbədən sonra xallarının sayını 7-yə çatdıran "Kiryat Şimona" turnir cədvəlinin 11-ci pilləsinə yüksəlib.