Rüfət Abdullazadənin komandası finala çıxa bilmədi

İsrail Toto Kubokunda pley-off mərhələsinin oyunları keçirilib.

Pressing.az xəbər verir ki, Azərbaycan millisinin üzvü Rüfət Abdullazadənin çıxış etdiyi "Kiryat Şimona" komandası öz meydanında "Hapoel Təl-Əviv"i qəbul edib. Qarşılaşma qonaqların 2:1 hesablı qələbəsi ilə başa çatıb və onlar finala yüksəliblər.

Rüfət Abdullazadə matça start heyətində başlayıb və sona qədər meydanda olub.

Qeyd edək ki, "Hapoel Təl-Əviv" finalda "Makkabi Tel-Əviv"lə qarşılaşacaq.