Rüfət Abdullazadə İsrail klubunda qol hesabını açdı

Azərbaycan yığmasnın üzvü Rüfət Abdullazadə İsrailin “Kiryat Şimona” klubunda ilk qolunu vurub.

Pressing.az xəbər verir ki, iyul ayında bu kluba keçən 25 yaşlı yarımmüdafiəçi Toto kubokunun qrup mərhələsinin 3-cü turunda “İroni Tiberiyas”la görüşdə fərqlənib.

Rüfət matçın 61-ci dəqiqəsində oyunda yeganə qolu vuraraq komandasına qələbə qazandırıb. O, görüşün 84-cü dəqiqəsində əvəzlənib.