Paris-2024: Azərbaycan taekvandoçusu gümüş medal qazandı
Azərbaycan taekvondoçusu Qaşım Maqomedov (58 kq) Paris-2024 Yay Olimpiya oyunlarında mübarizə aparıb.
Pressing.az xəbər verir ki, milliləşdirilmiş dağıstanlı idmançı İrlandiya təmsilçisi Cek Uolleylə üz-üzə gəlib. Qaşım Maqomedov Avropa çempionudur (2023-cü il). O, həmçinin qitə çempionatında 1 bürünc, Avropa Oyunlarında 1 bürünc, İslam Həmrəyliyi Oyunlarında isə 1 gümüş və 1 bürünc medal qazanıb. Cek Uolley Avropa çempionatının və Avropa Oyunlarının gümüş mükafatçısıdır.
24 yaşlı Azərbaycan taekvandoçusu ilk döyüşündə qalib gələrək (2:0) 1/4 finala yüksəlib.
Bu mərhələdə onun rəqibi İspaniya idmançısı Adriant Visente Yunta olub və təmsilçimiz qalib (2:0) gələrək yarımfinala yüksəlib. 25 yaşlı ispan dünya çempionatının (2023) bürünc mükafatçısı və Avropa çempionudur (2018).
Yarımfinalda Qaşım Maqomedovun rəqibi Olimpiya çempionu (2020-ci il) Vito Del-Akvila (İtaliya) olub və 2:0 hesabı ilə qalib gələrək adını finala yazdırıb. Maqomedov finalda Tae Conq Parkla (Cənubi Koreya) qarşılaşıb. Park 2023-cü ildə Bakıda keçirilən dünya çempionatında qızıl medal qazanıb.
Final görüşündə ağır zədə alan təmsilçimiz rəqibinə 1:9 hesabı ilə uduzub. Qaşım Maqomedov turnirdə gümüş medala yiyələnib.
Pressing.az xəbər verir ki, milliləşdirilmiş dağıstanlı idmançı İrlandiya təmsilçisi Cek Uolleylə üz-üzə gəlib. Qaşım Maqomedov Avropa çempionudur (2023-cü il). O, həmçinin qitə çempionatında 1 bürünc, Avropa Oyunlarında 1 bürünc, İslam Həmrəyliyi Oyunlarında isə 1 gümüş və 1 bürünc medal qazanıb. Cek Uolley Avropa çempionatının və Avropa Oyunlarının gümüş mükafatçısıdır.
24 yaşlı Azərbaycan taekvandoçusu ilk döyüşündə qalib gələrək (2:0) 1/4 finala yüksəlib.
Bu mərhələdə onun rəqibi İspaniya idmançısı Adriant Visente Yunta olub və təmsilçimiz qalib (2:0) gələrək yarımfinala yüksəlib. 25 yaşlı ispan dünya çempionatının (2023) bürünc mükafatçısı və Avropa çempionudur (2018).
Yarımfinalda Qaşım Maqomedovun rəqibi Olimpiya çempionu (2020-ci il) Vito Del-Akvila (İtaliya) olub və 2:0 hesabı ilə qalib gələrək adını finala yazdırıb. Maqomedov finalda Tae Conq Parkla (Cənubi Koreya) qarşılaşıb. Park 2023-cü ildə Bakıda keçirilən dünya çempionatında qızıl medal qazanıb.
Final görüşündə ağır zədə alan təmsilçimiz rəqibinə 1:9 hesabı ilə uduzub. Qaşım Maqomedov turnirdə gümüş medala yiyələnib.
