Paris-2024: Həsrət Cəfərov inamlı qələbə ilə başladı

Azərbaycanın yunan-Roma güləşçisi Həsrət Cəfərov (67 kq) Paris-2024 Yay Olimpiya Oyunlarında mübarizəyə qoşulub.

Pressing.az xəbər verir ki, o, 1/8 finaldan yarışa qoşulub. H.Cəfərov (21 yaş) Mohamed Elsayedlə (Misir) üz-üzə gəlib.

Həsrət ikiqat Avropa çempionu (2023 və 2024-cü illər), dünya çempionatının gümüş və bürünc mükafatçısıdır. Elsayed (26 yaş) Tokio-2020 Olimpya Oyunlarının bürünc mükafatçısı və Afrika çempionatının beşqat qalibidir.

H.Cəfərov 9:0 hesablı (tam üstünlüklə) inamlı qələbə qazanaraq 1/4 finala vəsiqə qazanıb.