Bu gün Azərbaycanın Yunan-Roma güləşçisi Murad Məmmədov Paris-2024 33-cü Yay Olimpiya Oyunlarında mübarizəyə qoşulub.

Pressing.az xəbər verir ki, 60 kq çəki dərəcəsində yarışan 2024-cü ilin Avropa çempionu, 28 yaşlı Murad Məmmədov mübarizəyə 1/8 finaldan start verib. Onun rəqibi Venesuela güləşçisi, 2024 Panamerikan çempionatının qalibi Rodrigues Orosco (33 yaş) olub.

Görüş Venesuela idmançısının 6:5 hesablı qələbəsi ilə baça çatıb.

Muradın rəqibi finala yüksələcəyi təqdirdə o, bürünc medal uğrunda təsəlliverici görüşlərə qatıla biləcək.