Ruan Renato: "Komandamız hazırda çox həssas bir dönəmdən keçir" – AÇIQLAMA
Misli Premyer Liqasının 8-ci turunda ötən gün keçirilən "Kəpəz" – "Zirə" matçından (1:1) sonra qonaq komandanın müdafiəçisi Ruan Renato Pressing.az-ın suallarını cavablandırıb.
– Son dəqiqə qolu ilə 1 xal qazandınız. Oyun barədə fikirləriniz necədir?
– Çox çətin bir oyun oldu. "Kəpəz" klubuna xoş sözlər səsləndirmək istərdim. Çünki çox yaxşı mübarizə apardılar. Hər iki komandanın ifasında təhlükəli qol vəziyyətləri oldu. Bizi narahat edən məqam odur ki, sanki rəqibin qol vurmasını gözləyirik və yalnız bundan sonra irəli atılaraq aktivləşək. Son 2 oyunda bu situasiyanın şahidi oluruq. Sözün əsl mənasında potensialımızı ortaya qoymaq üçün rəqibi gözləyirik. Bu, olduqca məyusedici məqamdır. Lakin yenə də qol buraxdıqdan sonra çox yaxşı oynadıq. Son dəqiqələri üstün mübarizə apardıq. 1 xal qazandıq. Düşünürəm ki, Gəncə səfəri, bu stadion, bu atmosferdə "Kəpəz"in oynadığı matçlar rəqiblər üçün asan keçmir. Çempionatda çoxsaylı komandalar bu stadionda xal itirib.
– "Zirə" son matçlarda qeyri-stabil çıxış edir. Nəticələr də qənaətbəxş deyil. Bunun arxasında hansı səbəb dayanır?
– Komandamız hazırda çox həssas bir dönəmdən keçir. Zədə səbəbindən çoxsaylı futbolçular heyətdən kənarda qalıb. Çempionatın başlanğıcındakı heyətdə yer alan futbolçulardan hazırda çox az bir hissəsi mübarizə aparır. Hazırda əlimizdə olan futbolçularla meydana çıxıb oyunumuzu göstərməyə çalışırıq. Son 2 oyunda ələ düşən fürsətləri qola çevirə bilsəydik, meydanı qalib kimi tərk edə bilərdik. Ümidvaram ki, zədəlilər tez bir zamanda komandaya qoşular.
– Növbəti turda "Sumqayıt"a qarşı oynayacaqsınız. Rəqibin hazırkı performansını nəzərə alaraq asan 3 xal əldə etmək mümkün olacaq?
– Deməzdim, matç asan olacaq. Premyer Liqada "Sumqayıt"a qarşı oyunlarda asan əldə olunan 3 xal xatırlamıram. Onlara qarşı oyunlar həmişə gərgin şəraitdə keçib. Ev sahibi olduğumuzu, zədəli futbolçularımızın həmin matça qədər qayıdacağını nəzərə alsaq, düşünürəm ki, maraqlı qarşılaşma bizi gözləyir. Doğma azarkeşlər qarşısında nəticə qazanmaq istəyirik. Çempionatda ilk pillələr üçün öz iddiamızı ortaya qoya biləcəyik.
Azad Nuriyev
– Son dəqiqə qolu ilə 1 xal qazandınız. Oyun barədə fikirləriniz necədir?
– Çox çətin bir oyun oldu. "Kəpəz" klubuna xoş sözlər səsləndirmək istərdim. Çünki çox yaxşı mübarizə apardılar. Hər iki komandanın ifasında təhlükəli qol vəziyyətləri oldu. Bizi narahat edən məqam odur ki, sanki rəqibin qol vurmasını gözləyirik və yalnız bundan sonra irəli atılaraq aktivləşək. Son 2 oyunda bu situasiyanın şahidi oluruq. Sözün əsl mənasında potensialımızı ortaya qoymaq üçün rəqibi gözləyirik. Bu, olduqca məyusedici məqamdır. Lakin yenə də qol buraxdıqdan sonra çox yaxşı oynadıq. Son dəqiqələri üstün mübarizə apardıq. 1 xal qazandıq. Düşünürəm ki, Gəncə səfəri, bu stadion, bu atmosferdə "Kəpəz"in oynadığı matçlar rəqiblər üçün asan keçmir. Çempionatda çoxsaylı komandalar bu stadionda xal itirib.
– "Zirə" son matçlarda qeyri-stabil çıxış edir. Nəticələr də qənaətbəxş deyil. Bunun arxasında hansı səbəb dayanır?
– Komandamız hazırda çox həssas bir dönəmdən keçir. Zədə səbəbindən çoxsaylı futbolçular heyətdən kənarda qalıb. Çempionatın başlanğıcındakı heyətdə yer alan futbolçulardan hazırda çox az bir hissəsi mübarizə aparır. Hazırda əlimizdə olan futbolçularla meydana çıxıb oyunumuzu göstərməyə çalışırıq. Son 2 oyunda ələ düşən fürsətləri qola çevirə bilsəydik, meydanı qalib kimi tərk edə bilərdik. Ümidvaram ki, zədəlilər tez bir zamanda komandaya qoşular.
– Növbəti turda "Sumqayıt"a qarşı oynayacaqsınız. Rəqibin hazırkı performansını nəzərə alaraq asan 3 xal əldə etmək mümkün olacaq?
– Deməzdim, matç asan olacaq. Premyer Liqada "Sumqayıt"a qarşı oyunlarda asan əldə olunan 3 xal xatırlamıram. Onlara qarşı oyunlar həmişə gərgin şəraitdə keçib. Ev sahibi olduğumuzu, zədəli futbolçularımızın həmin matça qədər qayıdacağını nəzərə alsaq, düşünürəm ki, maraqlı qarşılaşma bizi gözləyir. Doğma azarkeşlər qarşısında nəticə qazanmaq istəyirik. Çempionatda ilk pillələr üçün öz iddiamızı ortaya qoya biləcəyik.
Azad Nuriyev
