Sultanov gözləməyi məsləhət bilir

Məlum olduğu kimi, Adrian Mutunun gedişindən sonra "Neftçi" yola yeni baş məşqçisi Miodraq Bojoviçlə davam edəcək.

"Ağ-qaralar" artıq monteneqrolu mütəxəssisin rəhbərliyi altında ilk oyununa da çıxıb. Türkiyənin Antalya şəhərində təlim-məşq toplanışında olan paytaxt klubu qardaş ölkə təmsilçisi "Ərzurumspor"la qarşılaşıb və bu görüşdən məğlubiyyətlə ayrılıb - 1:3.

Bojoviçin təyinatı və bu keçidin "Neftçi"yə nə qazandıracağı barədə suallarımızı "ağ-qaralar"ın sabiq idman direktoru Ceyhun Sultanova ünvanladıq. Onun təcrübəli məşqçi olduğunu bildirən Sultanov bu təyinatla bağlı indidən fikir bildirməyin tez olduğunu və çempionat oyunlarını izlədikdən sonra bu haqda danışa biləcəyini söylədi.

Bildirək ki, "Neftçi" 55 yaşlı çalışdırıcı ilə 1,5 illik müqavilə bağlayıb.

Pressing.az