"Neftçi" klubunda hərəkətlilik yaşanır.

Pressing.az-ın əldə etdiyi məlumata görə, "ağ-qaralar"ın bir neçə gün öncə təyin olunan yeni baş məşqçisi Miodraq Bojoviç komandada "təmizləmə" işlərinə başlamaq niyyətindədir.

Belə ki, monteneqrolu mütəxəssis ilk olaraq yayda transfer olunan legionerlərin "Neftçi"dən göndərilməsinin tərəfdarıdır. Buna səbəb isə həmin futbolçuların onun oyun fəlsəfəsinə uyğun olmamasıdır. 55 yaşlı çalışdırıcı bu barədə artıq paytaxt təmsilçisinin idman direktoru Yens Anderssonu məlumatlandırıb.

Bizdə olan bilgiyə görə, "Neftçi" qışda müdafiə və hücum xəttinə azı 4 futbolçu gətirəcək.

Bojoviç həmçinin keyfiyyətli yerli futbolçu transferi də istəyir.

Pressing.az