Samir Abasov legioner qapıçı istədi, Kamil Məmmədov qollarını çırmaladı

"Neftçi"nin baş məşqçisi Samir Abasov qapı xəttinə yeni qolkiper gətirmək arzusuna düşüb.

Pressing.az-a verilən informasiyaya görə, təcrübəli mütəxəssis "çərçivə"ni əcnəbi qapıçıya əmanət etmək niyyətindədir.

"Ağ-qaralar"ın idman üzrə müşaviri Kamil Məmmədov isə Abasovun istəyinə əsasən hərəkətə keçib.

O, Portuqaliya, Kolumbiya və Ekvadorda axtarışları sürətləndirib.

Samir Abasov növbəti mövsüm yeni qapıçını "1 nömrə" etməyi düşünür.

Qeyd edək ki, hazırda "Neftçi"nin əsas qapıçısı millimizin də üzvü olan Rza Cəfərovdur.

Daşqın
Pressing.az